A AXENCIA DE MEDIOS QUE SUMA

Estamos de aniversario!  E non un aniversario calquera, celebramos o noso 30 Aniversario. Chegamos á trintena coincidindo co día de San Publicito 2023. Fai exactamente  30 anos, o 27 de xaneiro de 1993, Javier e Jesús Suso creaban Avante Medios.  Será casualidade ou un simple antollo do destino? Sexa como for, antes de continuar co noso relato, pedímoslle ao santo patrón que bendiga estas 30 primaveras. Non vaia selo demo!

A nosa historia escribiuse   pasiño a pasiño, con moito esforzo e, sobre todo,  con moito agarimo. No 2007 abrimos a nosa primeira delegación en Santiago de Compostela. En 2009 en Murcia. En 2011 en Asturias e Aragón. En 2015 en Andalucía. En 2017, ademais de inaugurar sedes en Euskadi e Castela León, naceu o noso HUB dixital. En 2019 continuamos con Alacante, Sevilla e Palma de Mallorca. E, en plena pandemia, chegamos a Cataluña no ano 2020.

Tres décadas que foron definindo a nosa personalidade e os nosos valores, e que nos teñen consolidado como unha das maiores e máis antigas axencias de medios independentes do noso país.

Aproveitamos estas líneas para recordar no noso 30 Aniversario a Javier Suso, quen loitou incansablemente por facer ben as cousas e marcou un antes e un despois na consultoría estratéxica de medios española. E, por suposto, na nosa familia AVANTE que xa suma máis de 100 membros. Non estariamos hoxe aquí de non ser por el…

E para darvos as grazas a tod@s  os que estivestes aí sumando nas nosas aventuras, formando parte de desafíos, ilusións, éxitos e aprendizaxes.